अथ नवग्रह कवचम्
ॐ शिरो मे पातु मार्तण्ड: कपालं रोहिणीपति: ।
मुखमङ्गारक: पातु कण्ठं च शशिनन्दन: ।
बुद्धिं जीव: सदा पातु हृदयं भृगुनन्दन: ।
जठरं च शनि: पातु जिह्वां मे दितिनन्दन: ।।
पादौ केतु: सदा पातु वारा: सर्वाङ्गमेव च ।
तिथयोऽष्टौ दिश: पान्तु नक्षत्राणि वपु: सदा ।।
अंसौ राशि: सदा पातु योगश्च स्थैर्यमेव च ।
सुचिरायु: सुखी पुत्री युद्धे च विजयी भवेत् ।।
रोगात्प्रमुच्यते रोगी बन्धो मुच्येत बन्धनात् ।
श्रियं च लभते नित्यं रिष्टिस्तस्य न जायते ।।
य: करे धारयेन्नित्यं तस्य रिष्टिर्न जायते ।।
पठनात् कवचस्यास्य सर्वपापात् प्रमुच्यते ।
मृतवत्सा च या नारी काकवन्ध्या च या भवेत् ।
जीववत्सा पुत्रवती भवत्येव न संशय: ।।
एतां रक्षां पठेद् यस्तु अङ्ग स्पृष्ट्वापि वा पठेत् ।।
।। इति श्री नवग्रह कवचम् संपूर्णम् ।।