अथ चन्द्रकवचम्
श्री चंद्रकवचस्तोत्रमंत्रस्य ।
गौतम ऋषिः ।
अनुष्टुप् छंदः ।
चंद्रो देवता ।
सों बीजों ।
चन्द्रप्रीत्यर्थं जपे विनियोगः ।
समं चतुर्भुजं वन्दे केयूरमुकुटोज्ज्वलम् ।
वासुदेवस्य नयनं शंकरस्य च भूषणम् ।
एवं ध्यात्वा जपेन्नित्यं शशिनः कवचं शुभम् ।।१।।
शशी पातु शिरोदेशं भालं पातु कलानिधिः ।
चक्षुषी चन्द्रमाः पातु श्रुती पातु निशापतिः ।।२।।
घ्राणं क्षपाकरः पातु मुखं कुमुदबांधवः ।
पातु कण्ठं च मे सोमः स्कंधौ जैवा तृकस्तथा ।।३।।
करौ सुधाकरः पातु वक्षः पातु निशाकरः ।
हृदयं पातु मे चंद्रो नाभिं शंकरभूषणः ।।४।।
मध्यं पातु सुरश्रेष्ठः कटिं पातु सुधाकरः ।
ऊरू तारापतिः पातु मृगांको जानुनी सदा ।।५।।
अब्धिजः पातु मे जंघे पातु पादौ विधुः सदा ।
सर्वाण्यन्यानि चांगानि पातु चन्द्रोऽखिलं वपुः ।।६।।
एतद्धि कवचं दिव्यं भुक्ति मुक्ति प्रदायकम् ।
यः पठेच्छरुणुयाद्वापि सर्वत्र विजयी भवेत् ।।७।।
।।इति श्री चंद्रकवचं संपूर्णम्।।
श्री चंद्र देव चरणार्पणमस्तु