अथ श्रीबुधकवचम्
अस्य श्रीबुधकवचस्तोत्रमंत्रस्य।
कश्यप ऋषिः ।
अनुष्टुप् छंदः ।
बुधो देवता ।
बुं बीजं ।
बुधपीडाशमनार्थं जपे विनियोगः ।।
बुधस्तु पुस्तकधरः कुंकुमस्य समद्दुतिः।
पितांबरधरः पातु पितमाल्यानुलेपनः ।।१।।
कटिं च पातु मे सौम्यः शिरोदेशं बुधस्तथा ।
नेत्रे ज्ञानमयः पातु श्रोत्रे पातु निशाप्रियः ।।२।।
घ्राणं गंधप्रियः पातु जिह्वां विद्याप्रदो मम ।
कंठं पातु विधोः पुत्रो भुजा पुस्तकभूषणः ।।३।।
वक्षः पातु वरांगश्च हृदयं रोहिणीसुतः ।
नाभिं पातु सुराराध्यो मध्यं पातु खगेश्वरः ।।४।।
जानुनी रौहिणेयश्च पातु जंघेऽखिलप्रदः ।
पादौ मे बोधनः पातु पातु सौम्योऽखिलं वपु ।।५।।
एतद्धि कवचं दिव्यं सर्वपापप्रणाशनम् ।
सर्व रोगप्रशमनं सर्व दुःखनिवारणम् ।।६।।
आयुरारोग्यधनदं पुत्रपौत्रप्रवर्धनम् ।
यः पठेत् श्रुणुयाद्वापि सर्वत्र विजयी भवेत् ।।७।।
।।इति श्रीब्रह्मवैवर्तपुराणे बुधकवचं संपूर्णं।।