विनियोग : अस्य श्रीशनैश्चर कवच स्तोत्रमंत्रस्य ।
कश्यप ऋषि: ।
अनुष्टुप् छन्द:।
शनैश्चरो देवता ।
शं बीजं ।
श्रीं शक्ति: ।
शूं कीलकम् ।
शनैश्चर प्रीत्यर्थे पाठे विनियोग: ।।
नीलाम्बरो नीलवपु: किरीटी गृध्रस्थितत्रासकरो धनुष्मान् ।
चतुर्भुज: सूर्यसुत: प्रसन्न: सदा मम स्याद्वरद: प्रशान्त:।।१।।
श्रृणुध्वमृषय: सर्वे शनिपीडाहरं महत् ।
कवचं शनिराजस्य सौरेरिदमनुत्तमम् ।।२।।
कवचं देवतावासं वज्रपंजरसंज्ञकम् ।
शनैश्चरप्रीतिकरं सर्वसौभाग्यदायकम् ।।३।।
ॐ श्री शनैश्चर: शिर पातु भालं मे सूर्यनंदन: ।
नेत्रे छायात्मज: पातु कर्णो यमानुज: ।।४।।
नासां वैवस्वत: पातु मुखं मे भास्कर: सदा ।
स्निग्धकण्ठश्च मे कण्ठ भुजौ पातु महाभुज: ।।५।।
स्कन्धौ पातु शनिश्चैव करौ पातु शुभप्रद: ।
वक्ष: पातु यमभ्राता कुक्षिं पात्वसितस्थता ।।६।।
नाभिं गृहपति: पातु मन्द: पातु कटिं तथा ।
ऊरू ममाऽन्तक: पातु यमो जानुयुगं तथा ।।७।।
पदौ मन्दगति: पातु सर्वांग पातु पिप्पल: ।
अंगोपांगानि सर्वाणि रक्षेन् मे सूर्यनन्दन: ।।८।।
इत्येतत् कवचं दिव्यं पठेत् सूर्यसुतस्य य: ।
न तस्य जायते पीडा प्रीतो भवन्ति सूर्यज: ।।९।।
व्ययजन्मद्वितीयस्थो मृत्युस्थानगतोऽपि वा ।
कलत्रस्थो गतोवाऽपि सुप्रीतस्तु सदा शनि: ।।११।।
अष्टमस्थे सूर्यसुते व्यये जन्मद्वितीयगे ।
कवचं पठते नित्यं न पीडा जायते क्वचित् ।।११।।
इत्येतत् कवचं दिव्यं सौरेर्यन्निर्मितं पुरा।
जन्मलग्नस्थितान्दोषान् सर्वान्नाशयते प्रभु: ।।१२।।
।। इति श्री शनैश्चर कवचं संपूर्णम् ।।
श्री शनि देव चरणार्पणमस्तु