अथ श्रीपाद श्रीवल्लभ स्तोत्रम्
श्रीपाद वल्लभ गुरोः वदनारविन्दम्
वैराग्य दीप्ति परमोज्वलमद्वितीयम् ।
मन्दस्मितं सुमधुरं करुणार्द्र नेत्रं
संसार - ताप - हरणं सततं स्मरामि ।।
श्रीपाद वल्लभ गुरो: करकल्पवृक्षम्
भक्तेष्ट - दान - निरतं रिपुसंक्षयं वै ।
स्मरण मात्र उचित - जागरण सुभद्रम्
संसार - भीति - शमनं सततं भजामि ।।
श्रीपाद वल्लभ गुरो: परमेश्वरस्य
योगीश्वरस्य शिव शक्ति समन्वितस्य ।
श्री पर्वतस्य शिखरं खलु सन्निविष्टम्
त्रैलोक्य - पावन - पदाब्जमहं नमामि ।।
।। श्रीपाद श्रीवल्लभ स्तोत्रम् संपूर्णम् ।।
श्री श्रीपाद श्रीवल्लभ चरणार्पणमस्तु